RESERVA CITA
Cantos máis detalles nos facilites sobre a túa tatuaxe, máis doado será dar forma á túa idea.
Podes engadir imaxes de referencia, bosquexos ou fotografías da zona que queres tatuar. Cada detalle axudaranos a facer o proceso máis áxil e personalizado.
Unha vez recibido o formulario, enviarémosche un orzamento aproximado.
As mensaxes respóndense por orde de chegada. Debido ao volume de solicitudes, poden pasar varias semanas ata que recibas unha resposta.
PREGUNTAS FRECUENTES
Non esquezas que as tatuaxes son permanentes. É importante ter claro tanto o deseño como a zona do corpo para evitar futuros arrepentimentos. Non te tatúes se non estás completamente convencidx.
A realización dunha tatuaxe provoca unha erosión na pel que pode actuar como vía de entrada de microorganismos e causar infeccións. Por iso, é fundamental seguir todas as indicacións de curación para evitar complicacións, unha mala cicatrización ou a necesidade de recibir atención médica.
As tintas tamén poden provocar reaccións alérxicas que, nalgúns casos, poden precisar tratamento médico.
No caso de padecer algunha enfermidade que cause un déficit inmunolóxico, ou de estar seguindo un tratamento con anticoagulantes ou antiagregantes, deberase consultar previamente cun profesional médico antes de realizar a tatuaxe.
Que debo facer antes da cita?
- Durme ben a noite anterior e come algo antes de vir. É importante non acudir coa barriga baleira.
- Bebe suficiente auga e mantén a pel ben hidratada durante os días anteriores á cita.
- Leva roupa cómoda que permita acceder facilmente á zona que se vai tatuar e que non che importe manchar.
- Infórmanos se tes algunha enfermidade, condición médica, alerxia ou se estás tomando algún medicamento.
- No caso de tomar anticoagulantes ou antiagregantes, consulta previamente co teu médico. Non suspendas nin modifiques o tratamento pola túa conta.
Que non debo facer antes de facerme unha tatuaxe?
- Non consumas alcohol nin outras drogas durante, polo menos, as 24 horas anteriores á cita.
- Evita tomar aspirina ou antiinflamatorios sen indicación médica, xa que poden favorecer o sangrado. Non suspendas ningún medicamento prescrito sen consultar previamente co teu médico.
- Non expoñas a zona que se vai tatuar ao sol nin acudas coa pel queimada ou irritada. Tampouco é necesario que a afeites o día anterior; farémolo no estudio de maneira segura se fose preciso.
- Non acudas á cita se tes febre, gripe, unha infección ou outros síntomas de enfermidade. Nese caso, ponte en contacto connosco para cambiar a data.
Non se poderá realizar a tatuaxe nos seguintes casos:
- Estás embarazada ou amamantando.
- Tomaches alcol ou drogas nas últimas 24 horas.
- Está tomando anticoagulantes, antibióticos ou corticoides (consulta médica previa).
- Tes febre, infeccións ou pel danada na zona que se vai tatuar.
- Tes enfermidades dermatolóxicas activas (psoríase, eczema, etc.). • Tes menos de 18 anos.
- Tes alerxia a pigmentos, desinfectantes ou materiais médicos.
¿Cómo podo pedir unha cita?
- Podes escribirnos a través do formulario de contacto no momento de apertura da axenda.
- A axenda ábrese a unha hora concreta cada 3 ou 4 meses.
- Sempre publicamos con antelación o día e hora exactos de apertura, polo que tedes que prestar atención e reservar a cita no momento indicado.
- Nos seguintes meses recibiredes unha resposta e concretaremos unha data para a cita.
Necesito facer unha consulta previa?
Non é necesario, pero podemos facer un asesoramento previo gratuíto para que comprendamos a túa idea, vexamos a zona a tatuar e che proporcionemos toda a información necesaria.
É necesario un depósito para reservar?
Non, de momento estamos traballando sen depósito e confiamos na vosa responsabilidade a hora de acudir á cita. Sempre que sexa baixo motivos xustificados e nos avisedes con antelación podemos mover a cita de día. Senón se produce o aviso e non hai causas que xustifiquen a falta, no próximo axendamento si se requerirá abonar unha fianza para formalizar a cita.
Onde está o estudio?
O estudio atópase dentro do coworking Xpazo, en Xinzo de Limia. Moitos coñeceredes este local como o antigo Pazo das Meigas.
A dirección é R/Curros Enriquez 26 – Xinzo de Limia. Atópase en fronte da Casa da Cultura, e podedes atopar dous aparcamentos gratuítos a carón, un deles subterráneo.
Cal é o horario do estudio?
- Luns de 15.30 a 19.00
- De martes a venres de 10.00 a 19.00h
Que son as tatuaxes de liña fina e microrrealismo?
Son estilos que se caracterizan pola súa delicadeza, precisión e alto nivel de detalle. A liña fina utiliza trazos sutís e definidos, mentres que o microrrealismo recrea imaxes realistas en pequenos formatos, con sombras suaves e un gran coidado técnico.
Que tipos de deseños son ideais para estes estilos?
Os detalles botánicos, pequenos retratos, palabras, ilustracións delicadas, símbolos e elementos minimalistas funcionan moi ben nestes estilos. Guiarémoste para que o deseño se adapte perfectamente á túa pel e aos teus gustos.
As tatuaxes de liñas finas duran menos?
Teñen unha estética máis sutil, polo que co paso dos anos poden requirir retoques. Unha boa técnica de aplicación, xunto cun coidado adecuado, garanten unha boa durabilidade.
Pódense facer retratos ou imaxes complexas en microrrealismo?
Si, sempre que se adapten a un formato reducido. É importante axustar as expectativas ao tamaño para preservar os detalles esenciais.
Como debo coidar a miña tatuaxe despois?
Darémosche instrucións personalizadas, pero en xeral:
- Lavar suavemente con auga morna e xabón neutro.
- Aplicar unha crema específica para tatuaxes, segundo se indica. • Non raiar nin arrancar costras.
- Evita o sol, a piscina e o mar durante polo menos 3-4 semanas.
Que produtos recomendamos?
Recomendamos cremas específicas para curación de tatuaxes. No estudo darémosche unha lista de opcións seguras.
Canto tempo leva curar unha tatuaxe?
Depende da zona e do tamaño, pero xeralmente entre 2 e 4 semanas.
É unha boa idea tatuarse no verán?
Si, pero hai que ter máis coidado que noutras estacións.
Vantaxes:
- Máis tempo libre para curar con calma.
- Roupa lixeira que evite o rozamento.
- Podes lucilo nunhas poucas semanas (se segues correctamente os coidados).
Desvantaxes:
- Non podes mollar a tatuaxe na praia nin na piscina durante polo menos 2 semanas.
- Debes evitar por completo a exposición ao sol na zona tatuada.
- A calor e a suor poden dificultar a curación.
Recomendación: se te tatuas no verán, sigue exactamente as instrucións de coidado e protexete do sol.
Doe facerse unha tatuaxe fina?
A dor é moi relativa, pero este estilo adoita ser menos invasivo que outros, xa que non require tanto recheo nin pasadas repetidas.
Tatuas sobre cicatrices, estrías ou pel sensible?
Si, aínda que depende do tipo de cicatriz e da súa idade. Convidámoste a unha consulta para avaliar cada caso.
Pódense facer retoques?
Si, ofrecemos retoques gratuítos dentro dos 3 meses seguintes á túa cita, se é necesario.
Podo levar acompañante?
Si, podes traer alguén, pero pedimos un máximo de 1 acompañante e que manteña unha actitude de respecto durante a sesión.
